鍾漢良、朱健鈞同居疑雲

6:00AM

咦！做乜我兩個都會喺同一時間起床㗎！唔通．．．．．．呀！請大家唔好誤會，只不過咁啱兩個企埋一齊，就一齊講吓啦！

朱：記起呢個時間，嗰時拍「少年五虎」就慘，晨早起床等出車呀！

鍾：我就喺嗰時開始感到自已知名度大增，估唔到原來我有咁多FANS㗎！

2:00PM

朱：平時大約呢個時間收工，但因為成日出外景，不太習慣，有時真係拍到冇哂心機㗎。

鍾：我咪仲尷尬，有次去一個MINI-CONCERT，嗰位歌手嘅歌迷竟然找我簽名，真係唔好意思呀！走嗰時由正門出去都有唔少人等我，簡直馬拉松咁！

7:00PM

朱：食飯囉！喂，試過有次我初初拍劇嗰時，又遇啱早班有工作，結果夜晚拍劇嗰時成日食N‧G‧，由於嗰場戲都有意義嘅，卒之成組人都為我而拍完又拍，幾唔好意思。

鍾：我就冇話朝早同夜晚有兩班，唔太辛苦。

朱：唉！食飯啦，鬼咁肚餓。仲講咁多做乜吖。

鍾：係喎，快D食嘞，好肚餓呀！

9:45PM

朱：食到飽，示如去玩吓，唱吓歌啦！

鍾：都好喎．．．．．．。

11:30PM

朱：嘩！好眼瞓呀，返屋企沖涼，之後瞓覺。我都幾鍾意瞓覺㗎，可以一瞓好多個鍾，事關我一唔夠瞓就覺得好唔正常，第朝起床會口腫面腫，難睇到暈！

鍾：我又唔同，我最鍾意睇電視嘅，尤其半夜D粵語殘片最好睇，直情唔願瞓添喎！

朱、鍾：大家記位呀，我哋唔係住埋一齊㗎！哈哈哈．．．．．．